Welcome Guest: S’enregistrer | Connexion
 
FAQ| Rechercher| Membres| Groupes
 
120 Տարի Առաջ, Այսօր. Պանք Օթոմանի Գրաւումը
 
Poster un nouveau sujet   Répondre au sujet
Armenian on web Index du Forum -> Courant / Contre-courant (points de vue - Տեսակետ - Görüş açısı) -> Histoire arménienne-Հայոց Պատմություն-Ermeni tarihi
Sujet précédent :: Sujet suivant  
Auteur Message
mafilou
Administrateur
Administrateur

Hors ligne

Inscrit le: 04 Sep 2006
Messages: 12 247
Point(s): 37 927
Moyenne de points: 3,10

MessagePosté le: Mer 17 Aoû 2016 - 01:16
MessageSujet du message: 120 Տարի Առաջ, Այսօր. Պանք Օթոմանի Գրաւումը
Répondre en citant

120 Տարի Առաջ, Այսօր. Պանք Օթոմանի Գրաւումը

yerakouyn.com
08/15/2016





Սասնոյ առաջին ապստամբութեան անյաջողութիւնը եւ 1895-1896-ի ջարդերուն պատճառած յուսալքութիւնը հակազդեցութեան դիմելու զօրաւոր տրամադրութիւններ ստեղծեցին Հայ յեղափոխական դաշնակցութեան ղեկավարութեան մօտ: 
Արեւմտեան բիւրոյի եւ կուսակցութեան կարգ մը մարմիններու համաձայնութեամբ, Պոլսոյ կեդրոնական կոմիտէն նախաձեռնեց գրաւման Պանք Օթոմանի, որ միջազգային ելեւմուտքի գլխաւոր հաստատութիւնն էր Արեւելքի մէջ: 
Ձեռնարկին նպատակն էր նախ ցնցիչ հարուած մը տալ օսմանեան պետութեան, եւ նաեւ վնասել Թուրքիոյ մէջ եւրոպական դրամագլուխին ու ստիպել արեւմտեան պետութիւնները միջամտելու ի նպաստ հայկական հարցին եւ հայկական գաւառներու մէջ բարենորոգումին: 
 
14 Օգոստոս 1896-ին, կէսօրուան ժամը 1:00-ին, 26 դաշնակցական անձնուրացներ, Բաբգէն Սիւնիի հրամանատարութեամբ, զէնքի ուժով գրաւեցին Պոլսոյ օսմանեան դրամատունը, սպաննելէ ետք թուրք պահակները: Բաբգէն Սիւնի ինկաւ դրամատան սեմին եւ Արմէն Գարօ այնուհետեւ ղեկավարեց գործողութիւնը, իրեն օգնական ունենալով Հրաչը (Հայկ Թիրեաքեան): 
Հայ յեղափոխականները նոյն օրն իսկ Պոլսոյ եւրոպական պետութիւններու դեսպաններուն յղեցին շրջաբերական մը, ուր կ՛ըսէին. «Մենք գրաւած ենք Պանք Օթոմանը եւ հոնկէ դուրս պիտի գանք, եթէ Սուլթանը խոստում տայ մեր պահանջներուն գոհացում տալու եւ հայկական հարցը յանձնելու միջազգային իրաւարարութեան մը, այլապէս դրամատունը օդը պիտի հանենք մեզի հետ: 
Դրամատունը գրաւած յեղափոխականները դիրքեր բռնեցին եւ ետ մղեցին իրենց վրայ յարձակող զինուորները ու ամբոխը: 
Յեղափոխականները նաեւ մեծ զգուշութեամբ վարուեցան դրամատան անձնակազմին հետ: 
Նոյն ժամերուն Պոլսոյ կարգ մը թաղերու մէջ բազմաթիւ անմեղ հայեր թուրք զօրքին եւ ամբոխին կողմէ սուրէ անցուեցան: 
Դրամատունը գրաւող յեղափոխականներուն պահանջագիրը բաղկացած էր չորս կէտերէ. 
ա.- Դադրեցնել Պոլսոյ մէջ սկսած անմեղներու կոտորածը, 
բ.- Դադրեցնել դրամատան դէմ յարձակումը, հակառակ պարագային պիտի պայթեցնեն դրամատունը, 
գ.- Գրաւոր երաշխիք տալ հայկական նահանգներու բարենորոգումներուն մասին, 
դ.- Ազատ արձակել հայ քաղաքական բոլոր բանտարկեալները: 
Կէս գիշերէն ետք, ժամը 1:00-ին, Ռուսիոյ դեսպանատան ներկայացուցիչ Մաքսիմով եւրոպական դեսպաններու անունով դրամատունը գրաւողներուն հաւաստիացուց, որ կը խոստանայ ազդել սուլթանի կառավարութեան վրայ եւ իրագործել տալ բարենորոգումները, ինչպէս նաեւ խոստացաւ ապահովել անոնց անվնաս հեռացումը Թուրքիայէն: 
Առտուան դէմ յեղափոխականները իրենց զէնքերով դուրս ելան դրամատունէն եւ ֆրանսական նաւով մեկնեցան Մարսէյլ: 
«Ազդակ» 

_________________
Emeğe saygılı olun, alıntılarınızda link gösterin ...


Revenir en haut
Visiter le site web du posteur
Publicité






MessagePosté le: Mer 17 Aoû 2016 - 01:16
MessageSujet du message: Publicité

PublicitéSupprimer les publicités ?
Revenir en haut
Montrer les messages depuis:   
Armenian on web Index du Forum -> Courant / Contre-courant (points de vue - Տեսակետ - Görüş açısı) -> Histoire arménienne-Հայոց Պատմություն-Ermeni tarihi Toutes les heures sont au format GMT + 1 Heure
Poster un nouveau sujet   Répondre au sujet
Page 1 sur 1
Sauter vers:  

 



Portail | Index | Créer un forum | Forum gratuit d’entraide | Annuaire des forums gratuits | Signaler une violation | Conditions générales d'utilisation
phpBB
Template by BMan1
Traduction par : phpBB-fr.com