|
| Previous topic :: Next topic |
| Author |
Message |
Sireli
V.I.P.
Offline 
Joined: 13 Jul 2008
Posts: 1,556
Point(s): 2,813 Moyenne de points: 1.81
|
 Posted: Sun 7 Feb 2010 - 12:45
Post subject: Հայաստանի Պաշտպանության Նախարարը Պոլսո Հայոց Պատրիարքարանում |
 |
|
Հայաստանի Պաշտպանության Նախարարը Պոլսո Հայոց Պատրիարքարանում
Հայաստանի պաշտպանության նախարար Սեյրան Օհանյանը, ով գտնվում է Ստամբուլում ՆԱՏՕ-ի անդամ երկրների պաշտպանության նախարարների ոչ պաշտոնական համաժողովին մասնակցելու նպատակով, այցելել է Պոլսո Հայոց պատրիարքարան։ Այս մասին տեղեկացնում է Պոլսո Հայոց պատրիարքարանը։
Հայաստանից ժամանած բարձրաստիճան հյուրին պատրիարքարանի մուտքի մոտ դիմավորել է պատրիարքարանի հոգեւոր խորհրդի առաջնորդ արք. Արամ Աթեշյանը։ Հայաստանի պաշտպանության նախարարին ուղեկցել են Ս. Աստվածածին Մայր տաճար, այնուհետ պատրիարքարանի դահլիճում հանդիպում է տեղի ունեցել Պոլսո հայ համայնքի ներկայացուցիչների հետ։
Հայաստանցի նախարարին բարի գալուստ է մաղթել եւ ուղերձով հանդես եկել տեղի «Ժամանակ» օրաթերթի խմբագիր Արա Գոչունյանը։
Պաշտպանության նախարար Սեյրան Օհանյանը շնորհակալություն է հայտնել ցուցաբերած հյուրասիրության համար, ապա այցելել Հովհաննես Կոլոտ պատրիարքի անվան թանգարան։ Այնուհետ բարձրաստիճան հյուրը իր տպավորություններն է թողել պատվո տոմարի մեջ: «Ես խոնարհվում եմ մեր ժողովրդի պատմության, մեր հավատքի առաջ, որը ուժի հետ միասին նպաստել է մեր պատմության կերտմանը եւ երախտապարտ եմ այն մարդկանց, որոնք չափազանց դժվար պայմաններում այս ամենը պահպանում ու փոխանցում են սերնդեսերունդ»,- պատվո տոմարում գրել էր Սեյրան Օհանյանը:
Արաքս
|
|
| Back to top |
|
 |
|
|
