Welcome Guest: S’enregistrer | Connexion
 
FAQ| Rechercher| Membres| Groupes
 
Յորդանանի (Jordanie / Ürdün) արաբ հայերը
 
Poster un nouveau sujet   Répondre au sujet
Armenian on web Index du Forum -> News et articles - Լուրեր, Յօդուածներ - Haber ve makaleler -> Diaspora arménien - Սփիւռք - Ermeni diasporası
Sujet précédent :: Sujet suivant  
Auteur Message
azad
V.I.P.
V.I.P.

Hors ligne

Inscrit le: 06 Sep 2006
Messages: 774
Point(s): 2 282
Moyenne de points: 2,95

MessagePosté le: Ven 12 Jan 2018 - 04:54
MessageSujet du message: Յորդանանի (Jordanie / Ürdün) արաբ հայերը
Répondre en citant

Ürdün :

ՔՈՒՆ ԵՂԻՐ ԲԱԼԱՍ
Յորդանանի (Jordanie / Ürdün) արաբ հայերը

Յորդանանի արեւը կիզիչ է նոյնի՛սկ Ապրիլի կէսերուն: Կարմիր ծովու ափի Ագապայէն դէպի Ամման տանող ամայի մայրուղիով հանդարտ սլացող հանրակառքը կը փոխադրէ տասնինը յոգնած, բայց անհանդարտ ճամբորդներ, որոնք այցելելէ ետք Մալաթիա, Անտիոք, Քեսապ, Պոսրա և Բեթրա, դեռ չյագեցած փնտռտուքով կը յուսան գտնել յորդանանեան անապատին մէջ կորսուած հայերը:
Տեղացի վարորդը և ուղեցոյցը հետաքրքրուած չեն մեզ անհանգստացնող նիւթով: Անոնք կը պատճառաբանեն, թէ ամէ՛ն մարդ մահմետական է այստեղ և արաբ, թէ քրիստոնեաներ փնտռելով մենք կրնանք հակազդեցութեանց դուռ բանալ: Ի զո՜ւր կը բացատրենք, թէ մեր փնտռած մարդիկը արաբ են ու մահմետական և թէ ասիկա մեր միա՛կ առիթն է անոնց հանդիպելու. բայց վարորդը և ուղեցոյցը կը շարունակեն դիմադրել: Ի վերջոյ, յամառութեամբ ու հաճյախօսութեամբ, տակաւ առ տակաւ կակուղնալու նշաններ կը տեսնենք, մինչ կը հասնինք Մա'ան. սակայն ո՞ւր է «Հայ ըլ Արման»ը: Անցորդ մը կ'ըսէ, թէ այդպիսի փողոց չկայ: Կը հարցնենք երկրորդին, երրորդին: Յանկարծ կը յիշեմ փարիզաբնակ ազգագրագէտ Աննա Յովհաննէսեանի յիշած ցեղախումբին անունը՝ Ապու Տարուիշ. և հանգոցը կը քակուի:
Մա'անի փէշերուն ամբողջ թաղ մը գրաւած են անոնք, տարբեր տուներ ապրող, իրարու ազգական, բոլորն ալ հայուհիի զաւակներ ու թոռներ:
Կամացուկ կը հրենք առաջին դուռը. միջանցքին մէջ երիտասարդ մը ներս կը հրաւիրէ մեզ. կը հացնեմ, թէ ո՞վ կայ տունը, սրտիս մէջ շնորհակալ՝ յիշած արաբերէնիս համար: Մայրը՝ Ֆայզան, միջին-արեւելքցի հայ կիները յիշեցնող դիմագիծերով, խոշոր կլոր աչքերով, սպիտակամորթ, քիչ մը գիրուկ, հանդարտ արտայայտութեամբ, մազերը հինայած, սետիրին վրայ ծալլապատիկ նստած՝ կ'ընդունի մեզ: Կը հարցնեմ, թէ հայերէն գիտէ՞. պատասխանը նրբութեամբ ըսուած «Ոչ» մըն է: «Ո՞վ հայ է» հարցումիս կը պատասխանէ՝ մեծ մայրս. ու Ֆայզա կ'առաջարկէ, որ մօրը քիչ անդին գտնուող տունը երթանք, որովհետեւ «Ան ամէն ինչ գիտէ»:
Երիտասարդը մեզ կը տանի մեծ մօր տունը: Երկու կիները իրարու շատ կը նմանին: Մայրն ալ հինայած մազեր ունի և աղջկան նման շնորհալի է և խաղաղ: Անունը Շամա'ա է, այսինքն՝ մոմ: Արդեօք ինչո՞ւ: Ան սիրալիր կ'ընդունի մեզ: Տաքուկ հոսանք մը կ'անցնի մեր միջեւ, կը մտերմանանք: Քով քովի նստած, առանց ծածկելու մեր զգացումներն ու յուզումները, կը քակուին թելերը՝ 1915-ին Չոմախլուէն աքսորուած հայ կիներուն և անոնց անչափահաս զաւակներուն կեանքին ու ոդիսականին:
Արմէնը ֆիլմով կը յաւերժացնէ զգացումներով զեղուն այս հանդիպումը և մերթ ընդ մերթ հարցեր կու տայ հայուհի Խանըմի աղջկան՝ Շամա'այի: Ես կ'ամբողջացնեմ ու կը թարգմանեմ: Առանց նախաբանի Շամա'ա կ'ըսէ, թէ հայ կիները մահացած են, ողջ են անոնց զաւակները: Ան կը պատմէ, թէ մայրը և կեսուրը՝ Արաքսին, Թաֆիլէ քաղաքէն եկած, իրենց կեանքին մինչեւ վերջին օրը Աստուծաշունչ կարդացած են կանոնաւորաբար:: Յետոյ, պետեւիներու հետ ամուսնացած հայ աղջիկներուն զաւակները ամուսնացած են իրարու հետ, այնպէս որ շատ մը Ապու Տարուիշներ երկկողմանի հայ են հիմա, թէ՛ հայրական մօր և թէ՛ մայրական մօր կողմէ: Հայաստանի իրադարձութիւններով հետաքրքրուած, անոր վերելքով ուրախ էին անոնք, բայց 1988-ի երկրաշարժը մեծ ցաւ պատճառած է բոլորին: Ընդհակառակը՝ Թուրքիոյ երկրաշարժը...:
Մեր այցելութեան լուրը գաղտնի չի մնար: Ապու Տարուիշներուն համար նորութիւն չէ հայ ազգականներ տեսնելը: Ինչպէս կ'ակնկալէինք, տունը հետզհետէ կը լեցուի հիւրասիրութեամբ զբաղող երիտասարդ-երիտասարդուհիներով, մանուկներով և գերդաստանի միւս անդամներով, եկած՝ ծանօթանալու իրենց մեծ մայրերուն արիւնակիցներուն: Կու գայ նաեւ Շամա'այի ներոջ տղան՝ Տայֆը: Հուժկու պետեւի մը ան, համակրելի դէմքով ու մելամաղձոտ աչքերով, գլխուն ճերմակ լաֆֆահա և սեւ ակալ, հագին երկար, ճերմակ հագուստ: Սահուն անգլերէնով ան զգուշութեամբ կը դիմէ ինծի. գիտէ՞ք, կ'ըսէ ան, 6-7 տարեկան էի, Արաքսի մեծ մայրս երգելով կը քնացնէր զիս: «Կը յիշե՞ս երգը» կը հարցնեմ. Տայֆ չի յիշեր մեծ մօր Օրօրը, բայց ակնկալութեամբ կը սպասէ: Ներշնչուած անոր տրամադրութենէն և սենեակին մէջ տիրող մթնոլորտէն, կը սկսիմ մեղմ երգել.-
Քուն եղիր բալաս- աչերդ խուփ արա,
Նախշուն աչերուդ քուն թող գայ վրայ.
Օրօր իմ բալաս, օրօր ու նանի,
Իմ անուշիկիս քունը կը տանի:
Դուք տեսա՞ծ էք պետեւիի մը լացը... անապատի այս զաւակը, որ դեռ 10 վայրկեան առաջ չէր ճանչնար մեզ, դիւթուած՝ ետ կ'երթայ 50 տարի և անզուսպ արցունքներուն մէջէն «Այս երգդ մորֆինի ազդեցութիւն կը գործէ վրաս» կ'ըսէ ինծի:
Արաքսիին, Խանըմին, Աննային և միւս հայուհիներուն անապատի զաւակները՝ քիչ մը աւելի հայ կը զգան, իսկ մենք՝ գտած ենք մեր կեանքին նոր մէկ էջը...:

ՍԻՐՎԱՐԴ ՍԱՊՈՒՆՃԵԱՆ

_________________

Karanlık aydınlıktan, yalan gerçekten kaçar, Güneş yanlız olsada etrafa ışık saçar,üzülme doğruların kaderidir yanlızlık, kargalar sürüyle, kartallar yanlız uçar.


Revenir en haut
Publicité






MessagePosté le: Ven 12 Jan 2018 - 04:54
MessageSujet du message: Publicité

PublicitéSupprimer les publicités ?
Revenir en haut
Montrer les messages depuis:   
Armenian on web Index du Forum -> News et articles - Լուրեր, Յօդուածներ - Haber ve makaleler -> Diaspora arménien - Սփիւռք - Ermeni diasporası Toutes les heures sont au format GMT + 1 Heure
Poster un nouveau sujet   Répondre au sujet
Page 1 sur 1
Sauter vers:  

 



Portail | Index | Créer un forum | Forum gratuit d’entraide | Annuaire des forums gratuits | Signaler une violation | Conditions générales d'utilisation
phpBB
Template by BMan1
Traduction par : phpBB-fr.com